RRC: trazar circunferencias tanxentes a dúas
rectas e a unha circunferencia dadas
Casuística: Sendo as rectas non paralelas, e a circunferencia
exterior, catro solucións. Se é tanxente a unha delas, ás
dúas, ou secante a unha e exterior á outra, catro solucións.
Se é tanxente a unha e secante á outra seis solucións,
ou dúas máis unha de radio cero (P) se pasase polo punto de corte.
Se é secante ás dúas, oito solucións
se non contén o punto de corte e catro máis unha de radio cero
(P) se o contén. Se as rectas son paralelas e a circunferencia exterior,
hai catro solucións se está entre as rectas e ninguna se está
fóra.
Se é tanxente a unha e exterior á outra, tres solucións
se está no intervalo e unha se está fora. Se é tanxente
ás dúas rectas, dúas solucións. Se é tanxente
a unha e secante á outra, tres. Se só é secante a unha
delas, dúas, e se é secante ás dúas, catro solucións.
Se se reducen ou amplían en igual medida os radios de
dúas circunferencias tanxentes a unha recta, a dirección desta
mantense invariable.
Aplicando este principio consideramos a circunferencia c reducida
ao seu propio centro, desprazando cara afora as rectas r s na mesma medida (radio
de c).
Resolvemos entre o punto C e as novas rectas r’ e s’ o caso PRR,
trazando a bisectriz do ángulo e a perpendicular que pasa por C, que
corta a s’ en P. Trazamos tamén unha circurferencia con centro
en calquer punto A da bisectriz, que pase por C e o seu simétrico C’.
Localizamos o punto medio do segmento PA: M, e con centro nel un arco que pase
por A dará o punto N na circunferencia auxiliar. Con centro en P e radio
PN localizamos os puntos T’1 e T’3 en s’, co que podemos localizar
os centros O1 e O2, ademáis dos verdadeiros puntos de tanxencia T1 e
T2.
Si en lugar de alonxar as rectas as achegamos, convírtense en r’’
e s’’. Repetindo con elas as mesmas operacións teremos as
solucións O3 e O4.