MODOS DE FUSIÓN
DIFERENCIA |
Solarizacións en modo Diferencia A maioría dos que utilizan os programas de retoque saben que o modo Diferencia é especial, teñen xogado con el, solprendéndose dos efectos que se acadan, mais ten certa sona de ser pouco controlable e imprevisible. Sen embargo, analisando como funciona, veremos que para certas cousas pode darnos un control case absoluto. Por exemplo, facer unha solarización dixital. Nun sentido amplo, a solarización é ese efecto do que tanto gotaba Man Ray, consistente na inversión das partes máis escuras da fotografía. Imos facer un exemplo con este retrato:
O proceso é tan sinxelo como isto: creamos unha capa, enchémola dun gris escuro, e poñémola en modo diferencia.
Este é o resultado: as zonas escuras ilumínanse e invírtense: A explicación tamén é sinxela, sabendo que este modo resta o valor menor do maior en cada par de píxeles superpostos. Enténdese ben observando a curva equivalente:
A solarización pode acentuarse, aumentando a craridade da capa e polo tanto a inversión, con calquera ferramenta como por exemplo Ton/saturación. Aquí aumentámoslle 20, 35 e 100 unidades, ata a inversión total:
É moi cómodo buscar o valor que nos guste, se o programa o vai visualizando. Por outra parte, e dado que o cálculo se realiza canle por canle, pódese xogar tamén co ton (coa mesma ferramenta) e lograr coloreados interesantes. Realmente o que facemos é variar a cor da capa. Nos seguintes exemplos mostramos cal era a cor resultante, e o efecto que producen na fotografía:
As cores foron RGB 118-103-122, RGB 110-63-73 e RGB 80-95-95. |